Um félagið
Sátt er félag um sáttamiðlun og er sameiginlegur vettvangur þeirra sem vilja stunda sáttamiðlun og afla sér menntunar eða fræðslu á því sviði. Markmið Sáttar er:
-
að breiða út þekkingu á sáttamiðlun og friðsamri lausn ágreiningsmála
-
að mennta fólk í því að leysa deilur
-
að hjálpa fyrirtækjum, félögum og hópum að leysa samskiptavandamál
-
að standa að kynningu á kenningum og aðferðum sáttamiðlunar.
Að félaginu stendur bæði áhugafólk um sáttamiðlun og fagfólk á ýmsum sérsviðum, s.s. félagsráðgjöf, guðfræði, kennslu, lögfræði, sálfræði og sérfræðingar úr fleiri fagstéttum. Í Sátt er starfrækt fagdeild fyrir þá sem hafa aflað sér menntunar í sáttamiðlun og eru á lista yfir starfandi sáttamiðlara.
Stjórn Sáttar
Aðalsteinn Leifsson
Gjaldkeri
Nánari upplýsingar koma innan skamms
-
Aðalsteinn Leifsson
Ásta Kristjánsdóttir
Ritari
Nánari upplýsingar koma innan skamms
-
Ásta Kristjánsdóttir
Ína Sigurðardóttir
Varaformaður
Sálgætir, framkvæmdastjóri og eigandi Vinsemdar
-
Meistaranám í heilbrigðisvísindum - geðheilbrigði og áföll
-
Listmeðferðafræðinám
-
Sálgæsla - nám á meistarastigi
-
Grunnskólakennarafræði, B.Ed 2005.
-
Endurmenntun Háskóla Íslands, 2017. Undirstöðuatriði í hugrænni atferlismeðferð.
-
Markþjálfun, Evolvia 2019.
-
Sáttamiðlaraskólinn 2024.
-
Ína hefur setið í ýmsum stjórnum og gegnt trúnaðar- og formennskustörfum. Hún er einn af stofnendum Sorgarmiðstöðvar og fyrrverandi framkvæmdastjóri. Hún hefur einnig sinnt ráðgjöf og stuðningshópastarfi ásamt því að bjóða upp á margskonar fræðslu og námskeiðshald.
-
Ína tók sæti í stjórn Sáttar árið 2024.
Sigþrúður Erla Arnardóttir
Meðstjórnandi
Sálfræðingur og framkvæmdastjóri þjónustumiðstöðvar Vesturbæjar hjá Reykjavíkurborg
-
Mediation Training í Kaliforníu árið 1994: Námskeið sem gaf réttindi sem milligöngumaður fyrir „Dispute Resolution“ í Kaliforníu.
-
Nám á vegum Sáttar árið 2007: Kennarar Pia Deleuran, lögmaður, sáttamaður og sáttamaður hjá dómstól og Vibeke Vindelöv, doktor í lögum, prófessor og sáttamaður, Lawrence Kershen, lögmaður og sáttamaður og Henry Brown, lögmaður og sáttamaður.
-
Sigþrúður tók sæti í stjórn Sáttar árið 2024.
Þórhildur Kristjánsdóttir
Formaður
Lögfræðingur
-
BA og ML-próf í lögfræði 2019.
-
Sáttamiðlaraskólinn 2023.
-
Annað styttra nám meðal annars á sviði gæða- og jafnlaunamála, innri úttekta, áætlanagerða og í tengslum við verkefnastjórnun.
-
Hefur setið í ýmsum stjórnum.
-
Þórhildur tók sæti í stjórn Sáttar árið 2024.
-
Þórhildur tók við formennsku stjórnar 2026.
Lilja Bjarnadóttir
Varamaður
Nánari upplýsingar koma innan skamms
-
Lilja Bjarnadóttir
Stefanía Halldórsdóttir
Varamaður
Starfsmaður hjá Sinnum heimaþjónustu
-
Sálfræði, BA 2005.
-
Jákvæð sálfræði, diplóma 2018.
-
Markþjálfun, Háskóli Reykjavíkur 2019.
-
Framhaldsnám í markþjálfun og teymisþjálfun, Profectus 2023.
-
Sáttamiðlaraskólinn 2022.
-
Stefanía tók sæti í stjórn Sáttar árið 2023 og tók við formennsku félagsins árið 2024. Stefánía gekk úr aðalstjórn og tók við varamennsku 2026.
Saga félagsins
Sátt – félag um sáttamiðlun var stofnað þann 22. nóvember 2005. Stofnfélagar voru 20, þverfaglegur hópur fagfólks, sem í störfum sínum aðstoðar fólk við lausn ágreiningsmála og persónulegs vanda.
Hvatinn að stofnun félagsins er margþættur en það einstaka tilvik, sem líklega réð þó mestu, er sú tilviljun að tíu íslendingar, félagsráðgjafar og lögfræðingar, sóttu ráðstefnu Nordisk Forum för Mekling og Konflikthantering í Skövde, Svíþjóð, í september 2004. Eldmóðurinn sem þátttakendurnir fluttu með sér heim, viðtökurnar sem þeir fengu frá öðrum fagfólki og síðast en ekki síst sá stuðningur sem stofnendur nutu frá reyndum norskum og dönskum sáttamönnum, gerði það að verkum að hægt var að hrinda í framkvæmd hugsjóninni um sáttamiðlun.
Héraðsdómari í Osló, Knut Petterson, dvaldi á Íslandi árið 2005 í persónulegum erindagjörðum en hann hafði sótt ráðstefnuna í Sködve. Skemmst er frá að segja að Knut gerðist boðberi sáttamiðlunar á Íslandi með námskeiðhaldi og lýsti þá vel eigin reynslu á sáttamiðlun í einkamálum og minniháttar sakamálum ungs fólks ásamt reynslu héraðsdómstóla í Noregi. Þann 22. maí 2005 boðaði Böðvar Bragason, lögreglustjóri í Reykjavík, til fundar á Hótel Sögu. Var Knut Petterson beðinn um að halda fyrirlestur um framkvæmd og reynslu “Konfliktråds” sem er eitt fyrirkomulag sáttamiðlunar í Noregi (Tilraunaverkefni með svipað fyrirkomulag voru sett á laggirnar á Íslandi þ.e. Hringurinn úrræði fyrir ósakhæfa og sáttmiðlun í opinberum málum). Á fundinum hvatti Knut fundarmenn til þess að stofna félag áhugafólks um sáttamiðlun og var það gert á haustmánuðum 2005.
Meðal þeirra fyrstu sem undirbjuggu nám og annaðist kennslu verðandi sáttamanna var Pia Deleuran, lögmaður og sáttamaður (cand. jur. et art og mediatoradvokat) í Kaupmannahöfn. Fyrir tilstuðlan Sáttar hélt hún t.d. fjölsótt námskeið um sáttamiðlun í Norræna húsinu þann 3. febrúar 2006. Mörg námskeið, fræðslufundir, ráðstefnur hafa verið haldin síðan á vegum Sáttar ásamt kennslu og námi í sáttamiðlun.
Einnig er að finna upplýsingar um sögu félagsins í eldri fréttum, sem nálgast má hér: