Skráning hafin í Sáttamiðlaraskólann

Næsta námskeið hjá Sáttamiðlaraskólanum hefst þann 18. september næstkomandi og hefur verið opnað formlega fyrir skráningu.

Námskeiðið verður að þessu sinni kennt í Menningarhúsinu Gerðubergi í Breiðholti og fer fram annan hvern miðvikudag eftir hádegi (frá kl. 13:00-16:30). Allar nánari upplýsingar er að finna hér.

Viðtökur við fyrsta námskeiðinu sem fór fram á vormánuðum 2019 voru mjög góðar, og í könnun til nemenda sögðu 100% aðspurðra að það væri líklegt að þeir myndu mæla með námskeiðinu til annarra og yfir 70% töldu að námskeiðið myndi nýtast mikið í starfi.

Kennt er í litlum hópi (hámark 16 manns) og síðast myndaðist biðlisti á námskeiðið. Við hvetjum því fólk til þess að drífa í því að skrá sig, en skráning er til 17. september.